Coutinho kthehet të flasë për Liverpoolin: Nuk më befason forma e tyre, por nuk pendohem për largimin

12 shkurt 2020 | 00:17

Philippe Coutinho thotë se nuk është i befasuar me Liverpoolin dhe formën e tyre këtë sezon, por insiston se nuk pendohet që u largua nga Anfield.

Lojtari ishte larguar drejt Barcelonës në janar të vitit 2018 pas gati pesë vjetësh si lojtar i Liverpoolit.

Ai aktualisht është në huazim te Bayern Munich nga Barcelona deri në fund të sezonit.

Coutinho është i lumtur që i sheh ish-shokët e tij të skuadrës në një formë kaq të mirë.

“Liverpooli po fluturon, dhe kjo nuk më befason”, ka thënë fillimisht ai për Sports Illustrated .

“Ne i kemi parë vitin e kaluar kur e fituan Ligën e Kampionëve, por gjithashtu nuk jam i befasuar për shkak të skuadrës dhe menaxherit të tyre fantastik”.

“Jam shumë i lumtur për ta, sepse kam kaq shumë miq atje, ish-shokë të skuadrës, kështu që unë jam thjesht aq i lumtur për ta”.

“Unë nuk shikoj prapa. Kam marrë një rrugë tjetër, dhe tani jam në një udhëtim tjetër, ashtu si të gjithë të tjerët. Unë jam i përqendruar tërësisht – ashtu si ata – për të arritur ëndrrat e mia. Unë jam i lumtur me atë që bëra në të kaluarën”.

Ai kthehet kah Bayerni, duke thënë se me klubin bavarez mund t’i fitojnë të gjitha.

“Sigurisht, besojmë se mund t’i fitojmë të gjitha. Ne punojmë kaq shumë për to”, ka thënë Coutinho.

 

Lajme të sponsorizuara

Të fundit
Në fund të muajit qershor, kur lufta e Kosovës po…