Lojërat Olimpike “Tokio 2020” janë shtyrë deri në verën e vitit 2021. Ky vendim është marrë pas një bisede telefonike mes presidentit të KON-it, Thomas Bach dhe kryeministrit të Japonisë, Shinzo Abe.

Të dy udhëheqësit Bach dhe Abe ranë dakord që Lojërat Olimpike të XXXII-ta të mbahen në një datë tjetër pas vitit 2020, por jo më vonë se vera e vitit 2021, në mënyrë që të ruhet shëndeti i sportistëve dhe të gjithë atyre që janë të përfshirë në Lojërat Olimpike.