Pas caktimit të datës së zgjedhjeve, anëtarja e Lëvizjes Vetëvendosje, Dejona Mihali, ka bërë thirrje publike që mërgimtarët të rezervojnë biletat e tyre dhe të kthehen në Kosovë për të votuar më 28 dhjetor.

Në një njoftim të shpërndarë në rrjete sociale, Mihali ka theksuar se shumë bashkatdhetarë tradicionalisht udhëtojnë drejt Kosovës për festat e fundvitit, duke shtuar: “Sot rezervohet bileta drejt Kosovës për vit të ri. Mirëardhshi mërgatë e dashur!”