“Absolutisht të rreme” e ka quajtur emisari presidencial për misione të posaçme, Richard Grenell, deklarimin e mbrëmshëm të Albin Kurtit në Ferizaj se “kurrë më të mira nuk kanë qenë marrëdhëniet Kosovë – ShBA” se gjatë qeverisjes së tij.

Grenelli u ka bërë thirrje qytetarëve të Kosovës të “mos mashtrohen” nga ajo çfarë Kurti ka deklaruar në fushatën e vet zgjedhore.

Këtë deklaratë të Grenellit, ish-krye inspektori i AKI-së, Burim Ramadani e ka cilësuar si “alarm për sigurinë kombëtare”.

“Don’t be fooled” – MOS U MASHTRONI. Kjo fjali e Richard Grenell, një nga njerëzit më të afërt të Presidentit atipil amerikan, Donald Trump, është alarm për sigurinë tonë kombëtare. ‘Mos u mashtroni’, thotë Grenell, duke komentuar si absolutisht të rreme deklaratën e kryeministrit Kurti se ‘raportet të Kosovës me ShBA janë më të mirat ndonjëherë’. Alarm për Kosovën, për sigurinë tonë kombëtare”, ka shkruar Ramadani në “Facebook”.