Asambleja Kombëtare e Venezuelës ka miratuar një reformë të ligjit të hidrokarbureve të vendit që do t’u lejojë kompanive private, përfshirë firmat e huaja, më shumë autonomi në sektorin fitimprurës të naftës së vendit.

Sapo ligji të miratohet nga presidenti i përkohshëm i vendit, pritet që ai të hapë rrugën për më shumë investime të huaja në industrinë e naftës, ka raportuar BBC, transmeton Gazeta Express.

Presidenti i SHBA-së, Donald Trump, i ka shtyrë kompanitë amerikane të naftës të investojnë në rezervat e mëdha të naftës së Venezuelës, pavarësisht dekadave të keqmenaxhimit, mungesës së investimeve dhe një klime politike ende të pasigurt.

Por një nga pengesat për investitorët kishte qenë kuadri ekzistues që i jepte kompanisë shtetërore të naftës PDVSA kontrollin e shumicës mbi projektet operative të naftës.