Deputeti ukrainas për Odesa, Oleksiy Goncharenko. ka reaguar pas paralajmërimit të Rusisë për dorëzimin e ushtarëve në Mariupol, duke thënë se ata nuk do të dorëzohen.

Në një deklaratë për mediat e huaja, ai ka theksuar se të gjithë ushtarët do të luftojnë deri në fund.

“Kam folur me ta dje dhe e di që do të luftojnë deri në fund”, ka thënë ai.

Presidenti i Ukrainës, Volodymyr Zelensky, ka thënë se eliminimi i luftëtarëve ukrainas në Mariupol do t’i jepte fund bisedimeve të paqes për t’i dhënë fund luftës.

Rusia ka thënë se do të garantonte jetën e ushtarëve ukrainas që do të dorëzoheshin, ndërsa Kremlini ka shtuar se të vetmit ushtarë ukrainas të mbetur në qytet ishin në një fabrikë gjigante çeliku.

Ndërkohë nga ana tjetër deputeti Goncharenko  ka thënë se situata në Mariupol ishte “një gjenocid i vërtetë” dhe ka vlerësuar se rreth 100 mijë  civilë ndodheshin në qytet./abcnews.al/