Transferimi i Granit Xhakës te skuadra e Milanit po duket gjithnjë e më i pamundur për shkak të kërkesave të Bayer Leverkusenit. Bëhet e ditur se për momentin një lëvizje e tillë e Xhakës në “San Siro” është e pamundur për shkak se klubet tashmë kanë ndërprerë negociatat.

Milani ka bërë dy oferta për Xhakën, por të dyja janë refuzuar nga Leverkuseni pasi ekipi gjerman po e vlerëson mesfushorin të paktën 15 milionë euro.

Ekipi italian ka ofruar 10 dhe 12 milionë euro, të cilat nuk kanë mjaftuar për ta bindur Leverkusenin për ta liruar 32-vjeçarin, i cili ka kontratë deri në vitin 2028. Në fakt, Xhaka ka arritur marrëveshje personale me Milanin, ku është pajtuar me kontratë trevjeçare në vlerë prej 12 milionë eurosh.