Reshjet e shiut kanë shkaktuar vërshime dhe dëme të konsiderueshme në disa komuna të Republikës së Kosovës.

Komunat më të prekura nga këto vërshime janë: Deçani, Kaçaniku, Juniku dhe Vitia.

Vërshimet në Deçan është thënë se kanë ndodhur si pasojë e mungesës se kanalizimit atmosferik. Për shkak të vërshimeve të shumta, komuna e Deçanit dhe ajo e Junikut, kanë formuar shtabet emergjente.

Ndërsa nga shirat e mbrëmshme dhe nga dëmtimet e shtratit të lumit “Morava” është shkatërruar pothuajse tërësisht shëtitorja Viti-Kabash-Binqë.

Nga vërshimet nuk ka shpëtuar as komuna e Kaçanikut, ku përroi i Rakocit ka dalë nga shtrati. Vërshimet kanë prekur edhe hekurudhën në këtë komunë.