Kryetari i Aleancës për Ardhmërinë e Kosovës (AAK), Ramush Haradinaj, ka përkujtuar heronjtë që kanë dhënë jetën për liri e demokraci.

Haradinaj, përmes një postimi në “Facebook”, ka thënë se në Ditën e Përkujtimit, i falënderon ushtarët amerikanë që kanë shërbyer dhe po shërbejnë në Kosovë.

“Gjithmonë mirënjohës për heronjtë që dhanë jetën në mbrojtje të lirisë, demokracisë dhe paqes. Në Ditën e Përkujtimit, gjithashtu falënderojmë ushtarët amerikanë që kanë shërbyer dhe vazhdojnë të shërbejnë në Kosovë”, ka shkruar Haradinaj.