Dje ua zunë priten dhe i vranë në Shënvlash, sot 40 persona po intervistohen në polici

28 prill 10:01

Vijojnë hetimet për vrasjen e dy vëllezërve Viktor dhe Besmir Haxhia me origjinë nga Puka, por banues në Durrës.  Krimi i rëndë ndodhi në vendin e quajtur “Tregu i makinave” , Shënvlash.

Gazetari i Ora News, Mark Brunga, deklaron se atentatorët kanë qenë duke pritur makinën ku udhëtonin dy vëllezërit. Me t’u afruar makina ata kanë dalë dhe kanë qëlluar me breshëri automatiku. “Pak më tutje një makinë I priste tek mbikalimi dhe pasi kanë kryer krimin, autorët janë larguar me të. Autorët duhet ta kenë studiuar më parë zonën” informon gazetari.

Një prej tyre ishte me profesion avokat, ndërsa tjetri merrej me biznesin e makinave.

Gati 40 persona janë shoqëruar për të ndihmuar në zbardhjen e krimit mes tyre dhe rojet e parkingut aty.

Lajme të sponsorizuara

Të fundit
Pavarësisht se në Komunën e Bujanocit nuk ka asnjë shqiptarë…