Në mesazhet e publikuara nga Departamenti Amerikan i Drejtësisë, në dosjen Jeffrey Epstein, përmendet edhe një ish-presidente e Kosovës, e vitit 2012. 

Ani pse në email nuk përmendet me emër, në atë periudhë kohe, Presidente e Kosovës ishte Atifete Jahjaga.

Në një email të dërguar nga një person me emrin “Daniel”, identiteti i të cilit mbetet i panjohur, thuhet:

“Mirë se vini në Paris, Princesha nga Tajlanda do të jetë në New York, Kombet e Bashkuara, me presidenten e Kosovës. Ajo do të donte të ju takonte nëse keni kohë këtë javë.

Gjithë të mirat,

Daniel”.

Gjithashtu email-i aty përfshin edhe Konsullin e Republikës së Kosovës në Mbretërinë e Tajlandës atë kohë, Mom Luang Rajadasari Jayankura. E njëjta ishte propozuar nga Behgjet Pacolli për konsull.