Drejtori i Agjencisë së Kosovës për Inteligjencë, Shpend Maxhuni, ka thënë  se e mbështet drejtësinë në rastin e birit të Tij.

“Çdo njeri është dhe duhet të jetë përgjegjës dhe llogaridhënës para ligjit, pavarësisht statusit të tij apo të ndonjë familjari të tij. Por, sikur po harrohet se një drejtësi ka parime të njohura, siç është ai i prezumimit të pafajësisë, deri në një vendim përfundimtar të organeve kompetente”, është shprehur ai. Mbështes dhe inkurajoj drejtësinë që të kryejë punën e vet në mënyrë profesionale, të pavarur dhe duke mos u ndikuar nga askush, ashtu siç i kam mbështetur dhe vazhdoj t’i mbështes edhe mediat për punën që bëjnë në interes të publikut”, ka thënë shefi i AKI-së për “KlanKosova”.