Drejtoria e Inspektoratit në Prizren rrënon dy objekte

03 mars 14:08

Drejtoria e Inspektoratit në Prizren ka rrënuar dy objekte, për shkak se objektet në fjalë ishin ndërtuar në pronën e komunës.

Drejtoria e Inspektoratit ka njoftuar se vendimi për rrënimin e objekteve në fjalë është marrë pasi që investitori ka vazhduar punimet drejt përfundimit të objekteve, përkundër urdhrit të DI-së për ndalimin e punimeve.

Ndërkaq, ankesat e parashtruara nga investitori në Komisionin e Komunës së Prizrenit dhe po ashtu në Ministrinë e Ekonomisë dhe Ambientit, janë kthyer me përgjigje negative.

Po ashtu, investitorit i është dhënë afati 15 ditor për rrënimin e objekteve në mënyrë vullnetare, por i njëjti nuk i është përmbajtur këtij afati të përcaktuar në bazë të ligjit.

Drejtoria e Inspektoratit ka apeluar tek të gjithë qytetarët që të mos fillojnë ndërtimin e objekteve pa leje dhe se në të kundërtën do të merren masa sipas ligjeve në fuqi.

 

Lajme të sponsorizuara

Të fundit
Një automjet është djegur në autostradën “Ibrahim Rugova”, afër Malishevës.…