Skuadra e Drenicës ka prezantuar dy përforcimet e radhës në afatin kalimtar të janarit.

Fjala është për qendërmbrojtësin, Eglantin Gjonin i cili së fundmi ka qenë pjesë e Llapit dhe mesfushorin, Donald Rapo që ishte pjesë e Laçit në Shqipëri.

Njoftimi i plotë i Drenicës:

Gjoni dhe Rapo, përforcimet e radhës!

Në vazhdën e konsolidimit të skuadrës për stinorin pranveror 2021, drejtuesit e klubit kanë përmbyllur edhe dy marrëveshje me dy futbollistë.
Fjala është për qendërmbrojtësin, Eglantin Gjoni, i cili më herët ishte pjesë e Laçit kurse se fundmi u aktivizua në KF Llapi. Gjoni ka nënshkruar kontratë deri në fund të këtij kampionati me mundësi vazhdimi.

Ndërkohë, edhe mesfushori Donald Rapo, do të veshë fanellën kuq e zi , deri në fund të këtij kampionati. Rapo se fundmi u aktivizua të skuadra e Laçit në Shqipëri.
Drejtuesit e klubit gjatë ditëve në vijim , do të prezantojnë edhe përforcime tjera.