Drita nuk gabon as ndaj Dukagjinit
Skuadra e Dritës nga Gjilani vazhdon të jetë e pagabueshme në garën për titull në Superligë. Kjo skuadër sot e mposhti Dukagjinin e Klinës me rezultat 2-0.
Në pjesën e parë rastet nuk munguan, por gola nuk pati. Në minutën e 57-të, Drita kaloi në epërsi me golin e shënuar nga Liridon Leci. Ndërsa golin e dytë e shënoi në fund të ndeshjes Astrit Fazliu. Edhe skuadra e Dukagjinit kishte disa mundësi shënimi, por nuk arriti t’i konkretizojë në gol. Pas kësaj xhiro, Drita forcohet në pozitën e parë me 58 pikë, derisa Dukagjini mbetet në vendin e fundit me 10 pikë.
IPKO SUPERLIGA
Drita – Dukagjinin 2-0
Drenica – Trepça ’89 2-4
Flamurtari – Ferizaj 3-2
Të hënën takohen:
17:00 Gjilani – Llapi
17:00 Ballkani – Vushtrria
19:00 Prishtina – Feronikeli
(V.Z / Epoka e re)