Duma ruse miraton Projektligjin kundër sanksioneve të huaja

22 maj 2018 | 12:18

Dhoma e Ulët e parlamentit rus ka miratuar më 22 maj në lexim të tretë Projektligjin që parasheh marrjen e kundërmasave për sanksionet e Shteteve të Bashkuara dhe shteteve tjera që kanë cak Rusinë.

Projektligji pritet të miratohet nga Dhoma e Lartë e parlamentit rus dhe Këshilli Federal, para se të nënshkruhet si ligj nga presidenti rus, Vladimir Putin.

Legjislacioni i propozuar i jep autoritet Qeverisë ruse për të ndaluar tregtinë në disa produkte me shtetet që “zbatojnë hapat armiqësorë ndaj Rusisë”.

Ky projektligj është cilësuar si përpjekje e Moskës për t’ju përgjigjur ngrirjes së aseteve dhe kufizimeve financiare që u janë vënë zyrtarëve rusë, manjatëve dhe kompanive të lidhura me Putinin nga Qeveria amerikane në muajin prill.

Këto sanksione, të fundit në serinë e masave të marra nga Shtetet e Bashkuara, Bashkimi Evropian dhe shtetet tjera prej kur Rusia ka aneksuar Krimenë dhe ka mbështetur separatistët në lindje të Ukrainës nga viti 2014 kanë qëllim ndëshkimin e Moskës për ndërhyrjen e supozuar në zgjedhjet amerikane më 2016 dhe “aktivitete tjera të dëmshme në botë”. (Rel)

Lajme të sponsorizuara

Të fundit
West Ham United ka konfirmuar emërimin e Manuel Pellegrinit si…