Presidentja Vjosa Osmani do të takohet sot (e premte) me mërgimtarët që tanimë kanë ardhur në Kosovës.

Osmani ka vendosur që dy ditë para zgjedhjeve, t’i mirëpres ata e t’i gostisë me një pritje të organizuar nga ora 18:00 në “Emerald”.

Sipas njoftimit të Presidencës, kjo pritje organizohet “në shenjë falënderimi dhe mirënjohjeje për kontributin e vazhdueshëm të mërgatës në zhvillimin dhe forcimin e shtetit të Kosovës”.

Presidenca ka bërë me dije se mbrëmja do t’i kushtohet veçanërisht rolit të mërgatës në luftën për liri, në procesin e shtet ndërtimit dhe në zhvillimin ekonomik e shoqëror të vendit.