Dy policë kanë vdekur dhe një tjetër është lënduar pas rrëzimit të një helikopteri të policisë në Turqi.

Lajmin e ka bërë me dije  ministri i Brendshëm turk, Ali Yerlikaya në një postim në platformën “X”.

Helikopteri është ngritur nga aeroporti i Hatay dhe po shkonte për në aeroportin e Gaziantep, ka thënë Yerlikaya.

Ai është  rrëzuar pranë fshatit Kartal në rrethin Nurdagi të Gaziantep, tha Yerlikaya, pa komentuar shkakun e rrëzimit, raporton “Reuters”.