Pas një pauze katër vjeçare, reality-show BigBrother u rikthye por tani në një format tjetër me personazhe të njohura ‘VIP’. Natën e parë u prezantuan 14 banorë, numër ky që mund të rritet apo zvogëlohet nga eliminimet apo hyrjet nga java në javë.

Big Brother VIP po vazhdon të jetë shumë i komentuar për ngjarjet dhe dinamikën e personazheve brenda shtëpisë.

Në mbrëmjen e djeshme të spektaklit është diskutuar për afrimitetin që kanë treguar mes vete këngëtarja Fifi dhe ish-futbollisti Granit Cana.

Të dy banorët kanë kaluar shumë kohë me njëri-tjetrin në shtëpi, gjersa edhe flenë me krevate pranë e pranë njëri-tjetrin.

Të martën, dyshja diskutuan bashkë me opinionistët e programit për atë se çfarë është duke ndodhur mes tyre, duke cekur se fillimisht kanë qenë miq aq të mirë sa që e kanë thërritur njëri-tjetrin “vëlla e motër”.

Mirëpo gjërat mes dyshes duket se kanë shkuar edhe më tej dhe këtë e pranuan vet Fifi me Granitin në dhomën e rrëfimit, duke thënë se do t’ia lënë kohës, por që kanë simpati për njëri-tjetrin dhe ndjejnë sikur ka shkëndija mes tyre.

Më pas atyre iu është transmetuar klipi me pamjet e asaj se çfarë të tjerët kanë thënë për ta dhe pasi kanë dëgjuar rrëfimet e të tjerëve, Fifi ka pasur një debat me disa prej banorëve, duke u sugjeruar të mos komentojnë duke parashikuar atë që do të ndodhë mes tyre.

BIG Brother VIP Albania mund ta ndiqni ekskluzivisht në platformën IPKO, në dy kanale HD të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.