“EBU” tregon për fatin e këngëve që do të garonin në “Eurovision 2020”

08 prill 14:54

Pas anulimi të “Eurovisionit” për këtë vit, për shkak të pandemisë së koronavirusit, “EBU” ka vendosur që këngët garuese të mos kenë të drejtë pjesëmarrjeje vitin  e ardhshëm, shkruan ESC Today, transmeton lajmi.net.

“EBU” përmes një deklarate të publikuar dje, ka bërë të ditur arsyen e një vendimi të tillë për këngët e “Eurovision 2020”

“Grupi i Referencës së Këngëve në Eurovision, i cili përfaqëson të gjithë transmetuesit pjesëmarrës, ranë dakord që rregullat e Konkursit të Këngëve të Eurovisionit duhet të mbështeten për ngjarjen kur të kthehet në vitin 2021. Kjo do të thotë që këngët që garojnë vitin e ardhshëm nuk mund të jenë në dispozicion para 1 shtatorit 2020, që përjashton përzgjedhjen aktuale të këngëve të zgjedhura për ngjarjen e anuluar të këtij viti”, thuhet në deklaratë.

Por, artisti që ishte zgjedhur për festivalin e këtij viti, mund të përzgjedhet edhe për vitin tjetër.

“Ne e dimë se vendimi është zhgënjyes për shumë njerëz, por EBU dhe anëtarët e saj synojnë të festojnë këngët e këtij viti në muajt e ardhshëm në mungesë të një gare në vitin 2020”, vazhdon njoftimi.

Këngët do të shfaqen në të gjitha kanalet dixhitale, sa më shumë që të jetë e mundur në javët në vijim.

Fesrtivali “Eurovision 2020” ishte planifikuar të mbahej në Rotterdam më 12, 14 dhe 16 maj.

“EBU” dhe transmetuesit holandezë NPO, AVROTROS dhe NOS do të prodhojnë një shfaqje speciale të Eurovisionit  “Europe Shine A Light” me qëllim të nderimit të dyzet e një pjesëmarrësve

Shfaqja  do të transmetohet të shtunën 16 maj në orën 21:00  në vend të finales së madhe.

Lajme të sponsorizuara

Të fundit
Kryetarja e Kuvendit të Kosovës, Vjosa Osmani, e ka vizituar…