Edhe gazetari shqiptar që ka mbrojtur shumë politika të qeverisë Kurti, Andi Bushati, kësaj here ka dalë në mbrojtje të “Klan Kosovës”.

“Me gazetarët, me ‘Klan Kosovën’, jo me pushtetin!”, ka shkruar Bushati në “Facebook”.

Krahas mbishkrimit, ai ka vënë një fotografi nga aksioni simbolik i gazetarëve ku duken mikrofonë e kamera të lëna nga gazetarët protestues.

Kujtojmë se protesta e sotme ishte e thirrur nga Asociacioni i Gazetarëve të Kosovës dhe në të morën pjesë qindra gazetarë të mediumeve të ndryshme në Kosovë.

Shumë eksponentë të ndryshëm të pushtetit kanë provuar gjatë gjithë ditës së djeshme, por edhe të sotme që të dekurajojnë gazetarët nga pjesëmarrja në këtë protestë.