Ekonomia britanike do të rimëkëmbet ‘gjashtë muaj më shpejt se parashikimi’

04 mars 21:16

Kancelari Rishi Sunak ka thënë se shpërndarja e shpejtë e vaksinave në Mbretërinë e Bashkuar do të nxisë një rimëkëmbje ekonomike “më të shpejtë dhe më të qëndrueshme”.

Parashikimet zyrtare parashikojnë që ekonomia britanike do të rritet 4 për qind këtë vit dhe do të kthehet në nivelet e saj para-pandemike gjashtë muaj më shpejt sesa pritej më parë.

Një zgjatje e skemës mbështetëse pritet gjithashtu të kufizojë humbjet e vendeve të punës.

Sidoqoftë, Sunak paralajmëroi se rikuperimi i dëmit afatgjatë në ekonomi “do të marrë kohë”.

Parashikuesi i pavarur i qeverisë, Zyra për Përgjegjësinë e Buxhetit (OBR), pret që ritmi i rritjes të forcohet në 7.3% në vitin 2022.

Kjo do të ishte shkalla më e lartë e rritjes që nga fillimi i regjistrave zyrtarë në vitin 1949 dhe ndihmon ekonominë që të kthehet në madhësinë e saj para-pandemike në mes të vitit të ardhshëm, shkruan “monitor.al”

Papunësia pritet të arrijë kulmin me një normë më të ulët prej 6.5%, duke e mbajtur atë nën nivelet e regjistruara gjatë krizës financiare të vitit 2008.

Sidoqoftë, gjysmë milioni njerëz të tjerë pritet të jenë pa punë deri në fund të këtij viti.

Borxhi i qeverisë pritet të rritet në 355 miliardë paund këtë vit për të ndihmuar në pagimin e masave mbështetëse ekonomike.

Kancelari tha se rritjet e taksave ishin të nevojshme në vitet e ardhshme për të ndihmuar në rregullimin e financave publike. Ai njoftoi se taksa e korporatës do të rritet në 25% në vitin 2023.

“Është e papërgjegjshme të lejojmë që borxhi jonë në të ardhmen të rriten në mënyrë të pakontrolluar”.

 

Lajme të sponsorizuara

Të fundit
Nga zgjedhjet e 14 shkurtit humbëse e garës doli Nisma…