Eksperti amerikan për Ballkanin, profesor Alon Ben Meir, ka komentuar marrëveshjen e arritur më 4 shtator në mes të Kosovës dhe Serbisë në Uashington.

Ben Meir ka thënë se është i zhgënjyer nga marrëveshja në fjalë, dhe njëra ndër arsyet është mosdiskutimi për njohjen reciproke.

“Jam i zhgënjyer që më në marrëveshjen e 4 shtatorit mes Kosovës dhe Serbisë s’është diskutuar njohja reciproke mes dy vendeve. Marrëveshjet ekonomike, edhe pse pozitive në disa aspekte, është dashur të bëhen në kuadër të pajtimit përfundimtar që duhet të çonte në njohje të Kosovës si shtet i pavarur nga Serbia”, ka shkruar ai në llogarinë e vet në “Facebook”.

Sipas tij, rritja ekonomike dhe tregtare e dy vendeve është gjë e mirë, por është larg dinamikës së vërtetë të konfliktit, në të cilin kosovarët ishin viktima të gjenocidit.

“Rritja ekonomike dhe shkëmbimi tregtar mes dy vendeve është gjë e mirë, por është larg ndryshimit të dinamikës së konfliktit që është ngulitur në psikikën e kosovarëve të cilët ishin viktima të gjenocidit dhe shkeljeve të rënda të të drejtave të njeriut në luftën me Serbinë”, ka shkruar Ben Meir.

https://www.facebook.com/ABenMeir/posts/10158283318226201