Deputetja e rizgjedhur e PDK-së, Eliza Hoxha, ka njoftuar se është siguruar plazma e gjakut për babanë e saj, pas një postimi që ka bërë dje me anë të të cilit kërkonte ndihmë për prindin e saj.

Ajo ka falënderuar njerëzit e vullnetit të mirë për dhurimin e gjakut.

“Të dashur miq, plazma për babin u sigurua. Dua të falënderoj secilin për gatishmërinë dhe vullnetin për të na ndihmuar. Shumë faleminderit për dhuruesit! U jemi shumë mirënjohës e gjithë familja. Kosova është e bukur sepse vazhdon me pas njerëz vullnetmirë”, ka shkruar Hoxha në llogarinë e vet në “Facebook”