I riu Elmi Fazliu, i cili i përket komunitetit të handikap, i është bashkuar ekipit të Uran Ismailit dhe nën siglën e PDK-së do të garoj për asamble komunale në Prishtinë. Fazliu në listën zgjedhore të PDK-së për asamble, garon me numrin 10. Elmi Fazliu jeton dhe vepron në Hajvali dhe shpreson që përzgjedhja e tij do të jetë nder për komunitetin ku ai jeton. Edhe pse jeton nën shoqërinë e karrocës, Fazliu është aktiv pothuajse gjithë kohën. Ai punon në agjencinë turistike “Anisa”, por dhe është nënkryetar i Federatës së Basketbollit me Karroca.

Postimi i plotë i Fazliut:

Koha është për Prishtinën, për Hajvalinë dhe për çdo lagje e fshat të komunës sonë. Koha është që secili prej nesh të angazhohet për një të ardhme më të mirë. Të gjithë miqtë e mi nga komuniteti, që besojnë se unë mund të jem zëri dhe përfaqësuesi i tyre në Kuvendin Komunal të Prishtinës, dua t’ju njoftoj se do të jem i renditur me numrin 10 në listën e Uran Ismailit për Prishtinën. Mirënjohje për secilin prej jush dhe faleminderit që po bëheni pjesë e këtij misioni. Le ta arrijmë këtë fitore së bashku! Angazhohu – mos rri anash!

#UranIsmaili

#ElmiFazliu1O