Galaxy S26 Ultra lejon regjistrimin nga kënde krejt të reja, ndërsa kamera e gatshme për transmetim live ndryshon mënyrën se si skateboarding xhirohet, përjetohet dhe transmetohet në kohë reale.

Samsung Electronics, partner global i organizatës Street League Skateboarding (SLS), njoftoi se Galaxy S26 Ultra është përdorur për herë të parë për të xhiruar në transmetim live garat e SLS, gjatë SLS DTLA Takeover të mbajtur më 4 prill. Kamera profesionale e nivelit të lartë e smartfonit Galaxy S26 Ultra riformëson rolin e pajisjeve mobile në sport, duke ofruar një përvojë vizuale të freskët të aksionit në skateboarding që përcjell intensitetin e vetë sportit.

Mënyra e transmetimit të ngjarjeve sportive po evoluon, duke afruar fansat më pranë aksionit përmes vendosjes së kamerave më afër ngjarjeve. Samsung po udhëheq këtë ndryshim falë kamerave Galaxy që, duke kombinuar mobilitetin me lidhjen e lartë, arrijnë performancë të krahasueshme me transmetimin profesional. Në fillim të këtij viti, pajisja flagship Galaxy u përdor për transmetimin e ceremonisë së hapjes së Lojërave Olimpike Dimërore Milano Cortina 2026, në bashkëpunim me Olympic Broadcasting Services (OBS), ku pajisjet Galaxy u vendosën në të gjithë arenën, në një nga skenat më të mëdha sportive në botë. Rezultati ishte një përvojë vizuale e re, me kënde dinamike që plotësonin transmetimin klasik. Këto aftësi u demonstruan edhe gjatë ngjarjes Galaxy Unpacked këtë vit, duke treguar cilësinë profesionale të xhirimit dhe transmetimit të videos.

Samsung po vazhdon këtë transformim edhe në garat e skateboard-it, duke integruar Galaxy S26 Ultra direkt në pjesët kyçe të pistës, përfshirë gardhet, skajet dhe hapësirat e zbrazëta, gjatë gjithë sezonit SLS 2026, duke aplikuar në mënyrë të plotë konceptin Galaxy POV (point of view) që u prezantua për herë të parë në SLS Sydney 2026.

“Inovacioni mobile hap mundësi të reja për mënyrën se si xhirohen dhe përjetohen sportet,” tha Joshua Cho, nënkryetar ekzekutiv dhe drejtues i ekipit për zgjidhje vizuale në divizionin Mobile eXperience (MX) të Samsung Electronics. “Në Lojërat Olimpike Dimërore Milano Cortina treguam se si teknologjia Galaxy mund të plotësojë sistemet tradicionale të transmetimit. Me Street League Skateboarding, të njëjtin qasje e sjellim direkt në pistë përmes pajisjes sonë më të re dhe më të avancuar, duke përdorur POV mobile për të xhiruar skateboarding nga perspektiva krejt të reja.”

Të vendosur në të gjithë pistën, pajisjet ofrojnë një perspektivë nga niveli i skateboarder-it, duke xhiruar kënde që kamerat tradicionale shpesh nuk mund t’i kapin. Xhirimet integrohen menjëherë në transmetimin live, duke mundësuar rishikime pothuajse të menjëhershme dhe duke afruar shikuesit më pranë intensitetit të vetë aksionit.

Nga shpejtësia te saktësia e çdo uljeje, magjia e skateboard-it fshihet në detajet që nga distanca janë të vështira për t’u vënë re. Duke vendosur kamerat mobile direkt në pistë, Samsung transformon mënyrën se si përjetohet sporti, duke afruar fansat me çdo lëvizje në ajër, çdo rrotullim të bordit dhe çdo ulje. Perspektivat e reja ofrojnë një vështrim më të thellë mbi teknikën, kohëzgjatjen dhe kontrollin, duke lidhur njëkohësisht fansat më afër sportit dhe sportistëve.

Galaxy S26 Ultra, i pajisur me sistemin më të avancuar të xhirimit mobile deri tani, është dizajnuar për të funksionuar në mënyrë të shkëlqyer gjatë aksionit të shpejtë dhe të paparashikueshëm, ashtu si sportistët vetë. Ai ofron cilësi profesionale kamerash dhe xhirime të larta në kushte të ndryshme të xhirimit, me stabilizim të përmirësuar, përpunim inteligjent dhe ruajtje të qartësisë edhe në kushte të dobëta drite ose shpejtësi të lartë. Kjo e bën të mundur përdorimin e tij së bashku me kamerat konvencionale, duke ruajtur qartësinë, stabilitetin dhe detajet në zona që kamerat tradicionale zakonisht nuk mund t’i kapin.

Vendosja e pajisjeve Galaxy S26 Ultra ndjek ritmin dhe rrjedhën e çdo udhëtimi, duke zbuluar stilin, shpejtësinë dhe saktësinë e çdo triku drejtpërdrejt nga pista. Funksionet e Galaxy zgjerojnë më tej mundësitë krijuese të produksionit. Super Steady me stabilizimin e boshtit horizontal siguron xhirime të qeta dhe të drejta edhe me shpejtësi të lartë, ndërsa Instant Slow-Mo mundëson rishikime të detajuara të truqeve në kohë reale. Të gjitha këto lejojnë ekipet e produksionit të xhirojnë aksionin e skateboard-it me qartësi, stabilitet dhe afërsi më të madhe, duke treguar saktësinë, stilin dhe aftësitë teknike të çdo lëvizjeje.

“Skateboarding sot ndiqet nga më shumë njerëz se kurrë më parë, veçanërisht ndërsa sporti vazhdon të rritet në skenën globale,” tha Brett Clarke, Chief Revenue Officer në Thrill Sports, kompania amë e organizatës Street League Skateboarding. “Bashkëpunime si ky me Samsung na ndihmojnë të zhvillojmë mënyrën se si e ndajmë sportin me fansat, duke mbajtur të njëjtën kohë besnikëri ndaj kreativitetit dhe kulturës që përkufizon skateboarding-un.”

Premiera e integrimit POV të Galaxy S26 Ultra në SLS DTLA Takeover tregon drejtimin në të cilin po zhvillohet transmetimi sportiv. Ndërsa SLS Championship Tour vazhdon, Samsung do të vazhdojë të eksplorojë se si teknologjia mobile mund të bëhet një mjet gjithëpërfshirës për transmetim. Duke parë drejt ngjarjeve të mëdha sportive globale dhe përgatitjet për Los Angeles 2028, ky ndryshim parashikon një të ardhme ku kufiri midis kamerës së smartfonit dhe asaj profesionale afrohet gjithnjë e më shumë, duke sjellë fansat më pranë aksionit.