Me një gjatësi mbresëlënëse prej 195 cm dhe duke luajtur në rolin e qendrës, Era është dalluar për lojën e saj dominuese në bllok dhe sulm. Ajo ka qenë pjesë e KV Suti Sport, me të cilin është shpallur kampione në kategoritë U16 dhe U18, ndërsa me ekipin e Fushë Kosovës ka arritur të shpallet nënkampione në U21.

Ky transferim i hershëm dhe i rëndësishëm është një hap i madh në karrierën e saj, duke e bërë Erën një nga perspektivat më të ndritura të volejbollit kosovar.

Klubi Kuzeyboru ka theksuar se angazhimi i talenteve të reja dhe ambicioze si Era është pjesë e strategjisë për ndërtimin e së ardhmes.

Ndërkohë, Era është shprehur e emocionuar dhe e gatshme për këtë sfidë të re, duke theksuar se do të japë maksimumin për të përfaqësuar sa më mirë veten dhe volejbollin kosovar.

Federata e Volejbollit e Kosovës i uron shumë suksese Erës në këtë sfidë të re dhe është e bindur se ajo do të përfaqësojë me dinjitet volejbollin kosovar në arenën ndërkombëtare