Angazhimet e planifikuara të presidentit turk Rexhep Tajip Erdogan për të mërkurën dhe të enjten janë anuluar.

Të mërkurën Erdogani kishte planifikuar të mbante një fjalim në mbledhjen e grupit parlamentar të partisë së tij, ndërsa të enjten ai do të udhëtonte në Granada për sesionin e Komunitetit Politik Evropian, në të cilin do të merrte pjesë Turqia.

Sipas të dhënave nga presidenca turke, shkak për anulimin e takimeve është bërë gjendja shëndetësore e tij.

Në njoftimin publik, Presidenca bën me dije se Erdogani ka pësuar një ftohje të rëndë dhe për këtë arsye do të qëndrojë larg jetës aktive politike për disa ditë.