Presidenti turk, Rexhep Taip Erdogan, ka zhvilluar një telefonatë me homologun e tij francez, Emmanuel Macron, për të diskutuar marrëdhëniet dypalëshe, si dhe zhvillimet globale dhe rajonale.

Drejtoria e Komunikimit e Turqisë, ka  njoftuar se Erdogani gjatë telefonatës ka thënë se është arritur një “pikë kthese historike” në përpjekjet për t’i dhënë fund luftës midis Rusisë dhe Ukrainës dhe theksoi rëndësinë e shfrytëzimit të mundësisë për të siguruar paqen.

“Turqia është e gatshme të kontribuojë në çdo mënyrë, duke përfshirë edhe mikpritjen e negociatave, për të ndihmuar në vendosjen e një armëpushimi dhe paqeje të përhershme”, ka thënë Erdogani, transmeton “Anadolu”.

Presidenti turk gjithashtu ka theksuar rëndësinë e bashkëpunimit të vazhdueshëm me Francën në fillimin e bisedimeve afatgjata të paqes dhe mbështetjen e procesit të rindërtimit të Ukrainës pas luftës.

Biseda telefonike ka pasuar një konferencë për medie gjatë natës në Moskë, ku presidenti rus, Vladimir Putin, ka propozuar rifillimin e negociatave të drejtpërdrejta për paqe midis Moskës dhe Kievit në Stamboll duke filluar nga e enjtja.

Putini ka thënë se ka planifikuar bisedime nesër me presidentin Erdoğan për t’i kërkuar atij të japë dritën jeshile për zhvillimin e negociatave në vend.

Erdogani, një kampion i hershëm i zgjidhjes së konfliktit, vazhdimisht ka ofruar që Turqia të jetë nikoqire e bisedimeve të paqes dhe të bëjë gjithçka që mundet për të promovuar një zgjidhje, pasi Turqia gëzon marrëdhënie të mira si me Rusinë ashtu edhe me Ukrainën.