Mesfushori i njohur danez, Christian Eriksen, është transferuar zyrtarisht te klubi gjerman Wolfsburg. Lajmi është konfirmuar nga vetë klubi nëpërmjet një njoftimi në rrjetet sociale, duke e bërë Eriksen përforcimin më të ri të skuadrës për sezonin e ri në Bundesliga.

Për Eriksen, ky është një kapitull i ri në karrierën e tij, pasi për herë të parë do të luajë në kampionatin gjerman. Ai ka një përvojë të pasur ndërkombëtare, duke qenë më parë pjesë e Ajaxit në Holandë, Tottenhamit në Angli dhe Interit në Itali.

“Jam i lumtur që do të jem pjesë e Wolfsburgut. Pres me padurim të filloj këtë aventurë të re dhe të ndihmoj skuadrën të arrijë objektivat,” u shpreh Eriksen gjatë prezantimit të tij.

Mesfushori 33-vjeçar mund të bëjë debutimin e tij në ndeshjen e Wolfsburgut ndaj Kolnit në Bundesliga.

Transferimi i Eriksenit shihet si një lëvizje strategjike nga ana e Wolfsburgut, që synon të forcojë mesfushën me përvojën dhe cilësitë e një lojtari të kalibrit ndërkombëtar.