Ish-ministri dhe historiani Ethem Çeku ka promovuar sot në Biblioteka Kombëtare e Kosovës “Pjetër Bogdani” librin e tij më të ri, “Lëvizja Shqiptare për Pavarësi – Politika, Kryengritjet dhe Diplomacia (1908 – 1912)”.

Përmes këtij botimi, autori sjell një vështrim të thelluar mbi një nga periudhat më të rëndësishme të historisë kombëtare shqiptare.
Libri trajton zhvillimet politike, kryengritjet dhe aktivitetin diplomatik të shqiptarëve në vitet vendimtare që i paraprinë shpalljes së pavarësisë, shkruan “Epoka e re”.

Sipas autorit, pikërisht gjatë kësaj periudhe patriotët shqiptarë, përmes organizimit politik, kryengritjeve dhe forcimit të ndërgjegjes kombëtare, kurorëzuan përpjekjet shekullore për formimin e shtetit shqiptar.

Në ceremoninë e promovimit morën pjesë intelektualë, profesorë universitarë, përfaqësues të jetës politike, si dhe miq e bashkëpunëtorë të afërt të autorit.

/Epoka e re