‘Facebook’-u përjetoi ndërprerjen më të gjatë në historinë e tij

14 mars 11:02

Rrjeti social “Facebook’ ka përjetuar ndërprerjen më të gjatë në historinë e tij.

Shërbimet e tij kyçe kanë qenë të papërdorshme për përdoruesit për pjesën më të madhe të ditës së mërkurë.

Hera e fundit kur “Facebook”-u ka pasur një ndërprerje të ngjashme ka qenë në vitin 2008, kur rrjeti social ka pasur 150 milionë përdorues, krahasuar me 2.3 miliardë që ka sot.

Produkti kryesor i “Facebook”-ut, “Instagram”-i është ndikuar po ashtu.

Shkaku i kësaj ndërprerjeje nuk është bërë i ditur publikisht.

Në përgjigje të thashethemeve të postuara në rrjetet e tjera sociale, “Facebook” ka thënë se ndërprerja e shërbimeve të tij nuk ka qenë rezultat i sulmit kibernetik.

Aplikacionet e “Facebook”-ut nisën të rikthehen mëngjesin e sotëm.

Derisa “Facebook”-u dhe “Instagram”-i kanë qenë jashtë funksionit, shumë përdorues janë aktivizuar në “Twitter”, duke bërë shaka për ndërprerjen.

Hashtag-u #FacebookDown dhe ai #InstagramDown janë përdorur mbi 150 000 herë.

Lajme të sponsorizuara