Në Gjykatën Themelore të Prishtinës sot është mbajtur seanca e radhës gjyqësore lidhur me vrasjen e Liridona Ademajt, ku të akuzuar janë Naim Murseli, Kushtrim Kokalla e Granit Plava.

Gjatë seancës së sotme u publikuan nga trupi gjykues disa pamje të rënda, ku shihej tashmë e ndjera Liridona pas momentit të vrasjes.

Si rrjedhojë vëllai i saj, Leonard Ademaj u ka bërë thirrje mediave dhe administratorëve të faqeve në rrjete sociale që të mos shpërndajnë pamje të tilla, duke theksuar se ato janë të rëndësishme vetëm për procesin gjyqësor, por jo për publikun e gjerë.