Nëna e fëmijës së fundit që vdiq nga uria në Gaza thotë se peshonte më pak se kur lindi.

Zainab Abu Halib peshonte nën 1.9 kilogram kur nëna e saj e dërgoi dje në departamentin pediatrik të Spitalit Nasser.

Ajo kishte vdekur tashmë nga ajo që një mjek e quajti një rast “urie të rëndë, shumë të rëndë”.

Nëna e saj, Esraa Abu Halib, tha se peshonte mbi 2.9 kilogram kur lindi, shkruan skynews.

Zainab është një nga të paktën 85 fëmijët që kanë vdekur nga shkaqe të lidhura me kequshqyerjen në Gaza në tre javët e fundit, sipas ministrisë së shëndetësisë së territorit.

Dr. Ahmed al-Farah, kreu i departamentit të pediatrisë, tha se vajza kishte nevojë për një lloj të veçantë formule që ndihmon me foshnjat alergjike ndaj qumështit të lopës.

Familja e fëmijës jeton në një tendë, pasi u zhvendos gjatë luftës 21-mujore.

Abu Halib, e cila gjithashtu ka vuajtur nga kequshqyerja, tha se e ushqeu vajzën me gji vetëm për gjashtë javë përpara se të përpiqej ta ushqente me formulë.

“Me vdekjen e vajzës sime, shumë do të vijnë pas”, tha ajo.

“Emrat e tyre janë në një listë që askush nuk e shikon. Ato janë vetëm emra dhe numra. Ne jemi vetëm numra. Fëmijët tanë, të cilët i mbajtëm për nëntë muaj dhe pastaj i lindëm, janë bërë vetëm numra.”