Kryetari i AAK-së, Ramush Haradinaj, ka shkruar për Deklaratën Kushtetuese të 2 Korrikut.

Ai ka thënë se 35 vjet më parë, guximtarët e vizionarët shqiptarë, edhe pse të rrethuar nga tytat e ish-Jugosllavisë, të patrembur kërkuan legjitimen: të drejtën për t’u njohur dhe për të ekzistuar barabartë si të tjerët.

“Fillet e Republikës së Kosovës janë nga Deklarata Kushtetuese e 2 Korrikut. Ishin shkëndijat e para se Kosova nuk kishte rrugë tjetër, përpos asaj të mëvetësisë. Sot, me nder dhe krenari, kujtojmë të gjithë atë kastë brilante që nuk u drodhën duart të nënshkruajnë atë deklaratë në rrethana skajshmërisht të tensionuara. Mirënjohje të gjithë brezave nga të gjitha trojet që guxuan për Kosovën”, ka shkruar Haradinaj në “Facebook”.