Komuna e Rahovecit ka njoftuar se ka filluar procesi i regjistrimit dhe vlerësimit të dëmeve të shkaktuara nga reshjet dhe përmbytjet e fundit. Me këtë rast, ftohen të gjithë qytetarët që janë prekur nga përmbytjet të paraqesin kërkesën e tyre pranë Komisionit Komunal për Vlerësimin e Dëmeve, në administratën komunale të Rahovecit, më së largu deri më 14 janar 2026.

Sipas njoftimit, pas paraqitjes së kërkesës, komisioni komunal do t’i kontaktojë qytetarët dhe ekipet përkatëse do të dalin në terren për të bërë vlerësimin e dëmeve në pronat e prekura. “Dokumentet e nevojshme që duhet të dorëzohen: Kërkesa (t’i bashkëngjiten edhe fotografitë me ngjyra); Kopja e letërnjoftimit; Konfirmimi i llogarisë bankare.”/Bleona Potoku/