FC Kosova Düsseldorf ka arritur një fitore të rëndësishme dhe bindëse ndaj skuadrës DJK Neuss Gnadental, me rezultat 3:1.

Ndeshja ishte një spektakël i vërtetë futbolli, e mbushur me ritëm, emocione dhe duele të forta deri në minutën e fundit. Djemtë tanë treguan disiplinë, karakter dhe një dëshirë të madhe për fitore, duke e mbajtur nën kontroll lojën në momentet kyçe.

Lojtari i ndeshjes pa asnjë dyshim ishte portieri ynë, Leon Hasani. Me pritjet e tij spektakolare, ai u bë gardiani i palëkundur i portës, duke e blinduar skuadrën dhe duke siguruar fitoren me ndërhyrjet vendimtare.

Një ndeshje e luftuar deri në fishkëllimën e fundit të gjyqtarit, ku nuk munguan aksionet e bukura, pasimet e shpejta dhe lojërat e rrjedhshme, si nga djelmoshat tanë ashtu edhe nga skuadra mysafire.

Ky sukses është fryt i angazhimit të madh të kryetarit Bujar Neziri, mbështetjes së sponsorëve që besuan në rrugëtimin tonë, punës së palodhshme të kryesisë dhe stafit teknik, por mbi të gjitha i sakrificës dhe pasionit të lojtarëve tanë që mbajnë me nder fanellën kuqezi.

Një falënderim i veçantë shkon për tifozët tanë, të cilët ishin forca shtesë nga tribunat me zë, zemër dhe shpirt. Prezenca dhe mbështetja e tyre masive na japin energji për sfidat e ardhshme.

Kjo fitore nuk është fundi, por fillimi i një kapitulli të ri për FC Kosova Düsseldorf. Bashkë, drejt synimeve të reja dhe sukseseve edhe më të mëdha!

Forca FC Kosova Düsseldorf!