Përzgjedhësi i Kosovës, Franco Foda ka folur sot në konferencë për shtyp për ndeshjen e së premtes me Zvicrën.

“Dardanët” do ta hapin kampanjën kualifikuese për Botërorin 2026 pikërisht kundër Helvetikëve, ndërsa trajneri gjerman e sheh këtë si një sfidë aspak të lehtë.

“Se a do të fitojmë apo jo, do të shihet të premten pasi unë nuk jam parashikues. Por, ne kemi besim, kemi treguar kualitet në ndeshjet e kaluara. E njohim mirë Zvicrën, i njohim mirë pikat e forta dhe të dobëta ta saj. Nëse paraqitemi si ekip, të bashkuar, dhe nëse i zbarkojmë të gjitha kërkesat në fushë, mund të arrijmë fitore apo të paktën barazim”, ka deklaruar Foda.

Më pas, Kosova do të luajë të hënën tjetër me Suedinë në Prishtinë.