Forcat e Ukrainës thonë se kanë marrë një qytet të rëndësishëm (VIDEO)
02 tetor 2022
| 09:13
Zëvëndësshef i zyrës së presidentit ukrainas, Kirilo Timoshenko, e ka publikuar mbrëmë një video ku forcat ukrainase pohojnë se kanë marrë kontrollin mbi qytetin Liman në zonën e Donetskut.
Një ushtar ukrainas ka thënë se forcat e armatosura të Ukrainës “kanë liruar dhe kanë marrë kontrollin” mbi Limanin, raporton “Reuters”.
Ndërkohë Rusia më herët ka deklaruar se forcat e saj janë tërhequr dhe po qëndrojnë në pozicionet rezervë.
Guvernatori ukrainas për rajonin e Luhanskut, Serhiy Haidai, ka deklaruar se rimarrja e Limanit është një ndër faktorët kyç për kthimin e territoreve të humbura.
