Në natën e pesëdhjetë e katërt të masave kufizuese të vendosura nga Qeveria e Kosovës në luftën kundër virusit Korona, në kohën kur po raportojmë (23:10) në kryeqytet ka liberalizim të lëvizjes dhe shpejtësisë së veturave në orën policore, raporton “Epoka e re”.

Kosovës të premten i janë shtuar edhe 119 raste të reja me koronavirus, pas marrjes së 480 mostrave.

Instituti Kombëtar i Shëndetit Publik (IKSHPK) ka njoftuar se brenda 24 orëve është regjistruar edhe një viktimë, duke e çuar numrin total të të vdekurve me koronavirus në Kosovë në 499.

Sipas të dhënave të këtij Instituti të premten janë regjistruar edhe 154 raste që kanë mposhtur virusin, derisa raste aktive aktualisht janë 3,362.

(Epoka e re)