Futbollistja nga Kosova, Qëndresa Krasniqi ka kaluar te Grasshopper.

Ajo deri më tani ka luajtur për skuadrën tjetrën zvicerane, Basel.

31 vjeçarja është një prej lojtareve më të mira që ka vendi, fjalë të mëdha për të cilen pati edhe drejtori i ri i Grasshoppersit, Theo Karapetas.

“Qëndresa është shumë e mirë teknikisht dhe e njeh ligën shumë mirë. Me përvojën e saj, do të jetë përkrahje e rëndësishme për ne”, deklaroi ai.

Mesfushorja sa i përket kombëtare luan për Shqipërinë, duke qenë po ashtu ndër më kryesoret.

Pos në Kosovë e Shqipërisë, Krasniqi ka bërë karrierë edhe në skuadra zvicerane si Yverdon, Aarau dhe Basel.