Deputeti i LDK-së, Arben Gashi e ka quajtur Dimal Bashën “përfaqësuesin më autentik të Lëvizjes Vetëvendosje”.

“Ky është një narracion që po i bëhet Dimalit nga partia e vet, e cila nuk po do me e shpërfaq anticitetin e LV-së. Mendoj që Dimali është përfaqësues autentik i LV-së dhe e tillë është Vetëvendosja, dhe populli duhet me e kuptuar cila është qasja e të menduarit politik në Kosovë”, ka thënë Gashi.

Sa i përket pjesëmarrjes në votimin për nënkryetar të Kuvendit nga komuniteti serb, Gashi ka thënë se duhet të pyetet Hykmete Bajrami, e cila është shefe e  grupit parlamentar të LDK-së.