Presidenti amerikan Donald Trump, ka propozuar, sipas raportimeve, vendosjen e forcave kineze paqeruajtëse në Ukrainë, një ide që thuhet se mbështet një propozim të mëhershëm të presidentit rus, Vladimir Putin.

Sipas Financial Times, një burim nga kampi i Trump e mohon këtë informacion, duke deklaruar se “nuk ka pasur asnjë diskutim për forca paqeruajtëse kineze”.

Propozimi ka shkaktuar reagime të forta në Kiev dhe në disa kryeqytete evropiane, për shkak të mbështetjes së hapur që Pekini i ka dhënë Moskës gjatë konfliktit.

Ndërkohë, Ukraina dhe aleatët e saj perëndimorë kanë diskutuar mundësinë e krijimit të një force neutrale ndërkombëtare për të garantuar sigurinë.

Turqia është një nga vendet që ka shprehur gatishmëri për të marrë pjesë aktivisht në zbatimin dhe ruajtjen e këtyre garancive.