Gazetari sportiv, Alban Lumi i ka bërë thirrje futbollistit shqiptar që të pranoj ftesën e Kosovës për të qenë pjesë e përfaqësueses së futbollit.

“Leon, gjaku yt, rrënjët e tua dhe zemra e këtij populli janë me ty. Dardanët mezi presin të të shohin në fanellën e Kosovës, duke luftuar për flamurin tonë në ndeshjen e madhe kundër Zvicrës, më 5 shtator në Basel”, ka shkrur Lumi në llogarinë e vet.

Postimi i plotë i tij:

“Leon Avdullahu ftohet nga Kombëtarja e Kosovës për ndeshjet e shtatorit ndaj Zvicrës dhe Suedisë të vlefshme për eliminatoret e botërorit 2026!

Aktualisht ai po kërkohet edhe nga Zvicra!!! Por Leon; Gjaku yt, rrënjët e tua dhe zemra e këtij populli janë me ty.

Dardanët mezi presin të të shohin në fanellën e Kosovës, duke luftuar për flamurin tonë në ndeshjen e madhe kundër Zvicrës, më 5 shtator në Basel.

Kjo është më shumë se futboll – është krenari, është dashuri për vendin, është histori që shkruhet me djersën dhe talentin tënd.

Zgjedh Kosovën, sepse Kosova je ti!.