Një shpërthim i fuqishëm ka ndodhur në Bejrut të Libanit. Autoritetet kanë bërë të ditur se janë duke u zhvilluar hetimet, e deri më tani kanë humbur jetën të paktën 150 persona dhe mbi 5 mijë tjerë janë lënduar.

Një pjesë e qytetit është shkatërruar plotësisht e porti detar është bërë “rrafsh me tokë”, ku ekipet e shpëtimit janë vënë në kërkim të personave të mbijetuar që mund të kenë ngecur nën rrënoja.

Nga kjo ngjarje u shokua e tërë bota, e pamjet e këtij momenti rrëqethës po vazhdojnë të qarkullojnë nëpër rrjetet sociale. Një e tillë është edhe e gazetares së BBC-së, Maryem Taoumi, të cilës shpërthimi në Bejrut ia ndërpreu intervistën.

Ajo po zhvillonte një interviste me video kur ndodhi shpërthimi i fuqishëm, madje kamera e gazetares ra në tokë dhe ajo dëgjohej në prapavijë duke bërtitur e kapluar nga frika.

Mediat botërore raportojnë se fuqia e shpërthimit e ka përplasur për tokë gazetaren, e cila megjithatë ka shpëtuar pa lëndime serioze.

BBC Arabic journalist Maryem Taoumi was conducting an interview when the explosion in Beirut took place

She was knocked over by the force of the blast but is safe

Warning: Contains upsetting scenes https://t.co/xdMWMBsOWJ pic.twitter.com/53dGzkXNEr

— BBC News (World) (@BBCWorld) August 5, 2020