Partia Demokratike e Kosovës synon rikthimin në pushtetin lokal në Malishevë, këtë herë me një figurë të respektuar nga fusha e shëndetësisë.

Dega e PDK-së në Malishevë ka vendosur të kandidojë Dr. Gëzim Krasniqin, pediatër specialist, si kandidat për kryetar të komunës në zgjedhjet lokale të 12 tetorit. PDK-ja, e cila ndodhet në opozitë në Malishevë prej tre mandatesh, me kandidaturën e Dr. Krasniqit po synon një kthesë të madhe dhe një rikthim të fuqishëm në qeverisjen lokale.