Qeveria e re e koalicionit nën drejtimin e konservatorëve të Kancelarit Friedrich Merz në Gjermani miratoi eksportet e pajisjeve ushtarake në Izrael me vlerë gati 4 milionë euro në pesë javët e para të pushtetit.

Kjo u zbulua pas një përgjigjeje nga Ministria e Ekonomisë ndaj një pyetjeje të paraqitur në Bundestag nga deputetja Desiree Becker e partisë Die Linke, një kopje e së cilës u sigurua nga Agjencia Gjermane e Lajmeve.

Midis 7 majit dhe 10 qershorit, prodhuesit gjermanë siguruan licenca për eksporte me vlerë 3.98 milionë euro në Izrael, një vend që është kritikuar ashpër kohët e fundit, përfshirë edhe nga vetë Kancelari Merz, për mënyrën se si ushtria e tyre ka zhvilluar luftë kundër Hamasit në Rripin e Gazës që nga 7 tetori 2023.

Pajisjet të cilave iu dha leja për t’u eksportuar nuk përfshinin armë ushtarake, sipas ministrisë. Këto janë miratime për eksportet e një vëllimi relativisht të vogël të mallrave ushtarake. Qeveria e mëparshme, nën qendrën e majtë, eksportoi mallra ushtarake me vlerë gati gjysmë miliardi euro në Izrael pas ndërhyrjes së Hamasit në territorin jugor.

Vetëm në tremujorin e parë të vitit 2025, artikujt që siguruan licenca eksporti arritën një vlerë prej 28 milionë eurosh, që do të thotë se Izraeli ishte blerësi i dhjetë më i madh i pajisjeve ushtarake gjermane.