Gjiganti amerikan i afrohet Detit të Zi, ShBA-ja e ka seriozisht luftën në Ukrainë
06 mars 2022
| 14:45
Shtetet e Bashkuara të Amerikës (ShBA) janë duke mbajtur një qëndrim të prerë kundër Rusisë në agresionin e saj ndaj Ukrainës. Përveç ndihmave ndaj ukrainasve, ShBA-ja duket se kanë vënë në lëvizje edhe makinerinë e tyre gjigante ushtarake.
Raportohet se aeroplanmbajtësja amerikane “USS Harry Truman” ndodhet aktualisht vetëm pak kilometra nga Deti i Zi, pikërisht përballë ngushticës së Dardaneleve.
Ajo ndodhet aty bashkë me anijet e tjera shoqëruese duke i dhënë një mesazh të fortë Putinit dhe ushtrisë së tij.
Aeroplanmbajtësja “USS Harry Truman” është pjesë e flotës së gjashtë amerikane, të pozicionuar në Mesdhe.