Hendbollistja e Kombëtares së Kosovës, Mirela Gjikokaj, ka arritur sukses historik këtë javë.

Gjikokaj e ka fituar titullin e kampionit të Norvegjisë me skuadrën Storhamar.

Mirela iu bashkua kësaj skuadre në nëntor të vitit të kaluar dhe ka fituar më herët Kupën e Norvegjisë dhe është paraqitur në Ligën e Kampionëve.

Në finale të plejofit, Storhamari e mposhti në dy ndeshje skuadrën Tertnes. Storhamari ishte i pari edhe në stinorin e rregullt.

Për skuadrën e Gjikokajt ky është titulli i parë. Gjashtë vite rresht ishte nënkampione.

Norvegjia ka njërën prej ligave më të mira në Evropë. Norvegjia ka kombëtaren bindshëm më cilësore në botë po ashtu.