Gjilani gjen portier në Kategorinë e Shqipërisë. Skuadra e drejtuar nga Klodian Duro ka arritur marrëveshjen me Kukësin për të marrë në huazim portierin Angelo Tafas.

SuperSport mëson se palët kanë rënë dakord për huazimin e Tafas te gjilanasit vetëm për ndeshjet evropiane, teksa pritet që gardiani të vihet nën urdhrat e trajnerit Klodian Duro.

Kështu Tafas do të marrë vendin e Enea Koliçit, i cili u largua nga Gjilani për t’u bashkuar me kampionin e Kosovës, Ballkanin, pasi ishte i përzgjedhuri i trajnerit Ilir Daja për portën.

Gjilani do të nisë aventurën evropiane më 13 korrik me ndeshjet eliminatore të Conference League, ku shorti e vuri përballë luksemburgasve të Progres Niederkorn.